შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng

სს "ელიტ ელექტრონიქსი" საქართველოს სამომხმარებლო ბაზარზე 1996 წლიდან ფუნქციონირებს. დაარსების დღიდან მისი მისიაა ღირსეული წვლილი შეიტანოს ქვეყნის განვითარებაში. სს"ელიტ ელექტრონიქსი" გამოირჩევა საუკეთესო მომსახურებითა და ტექნიკის ფართო ასორტიმენტით.​

კომპანიის ძირითადი ღირებულებებია:

  • მუდმივი სწრაფვა განვითარებისა და წარმატებისკენ
  • მუდმივი ზრუნვა მომხმარებლების, თანამშრომლების, პარტნიორებისა და საზოგადოების კმაყოფილებისათვის.

სს "ელიტ ელექტრონიქსი" 1996 წლის 16 მაისს ბათუმში დაარსდა. თავდაპირველად მისი შემადგენლობა სამი ადამიანით შემოიფარგლებოდა, დღეს კი კომპანიაში 460 თანამშრომელია დასაქმებული. სს "ელიტ ელექტრონიქსის" პირველი მაღაზია თბილისში 1998 წელს აღმაშენებლის გამზირზე გაიხსნა, ამავე წლიდან „ელიტ ელექტრონიქსი" გახდა BOSCH & SIEMENS-ის ოფიციალური დისტრიბუტორი საქართველოში.

1999 წელს გაიხსნა სს „ელიტ ელექტრონიქსის" ფილიალი ქუთაისში.

2000 წელს კომპანია გახდა VESTEL-ის საყოფაცხოვრებო ტექნიკის ექსკლუზიური დისტრიბუტორი საქართველოში და ამავე წელს დაიდო ხელშეკრულება კომპანია ჯეოსელთან, რის საფუძველზეც ,,ელიტ ელექტრონიქსი" ჯეოსელის დისტრიბუტორიც გახდა.

2001 წელს ელიტა XXI-ის ოფისმა ბათუმიდან თბილისში გადმოინაცვლა.

2002 წელს კორპორაცია ,,ელიტ ელექტრონიქსი" საქართველოში BOSCHSIEMENS და GAGGENAU-ს ექსკლუზიური დისტრიბუტორი გახდა.

2005 წელს კომპანია საქართველოში VOGEL-ის ექსკლუზიური იმპორტიორი და SAMSUNG-ის ექსკლუზიური დისტრიბუტორი გახდა და შექმნა მობილურები ქართული მენიუთი. ამავე წლის, 23 ნოემბერს გაიხსნა ახალი მაღაზია გლდანში და ბოშის საფირმო მაღაზია სავაჭრო ცენტრ GTC-ში.

2006 წელს იხსნება მაღაზიები: წერეთელზე, სავაჭრო ცენტრ ,,კიდობანში", ვაჟა-ფშაველაზე, ასევე სენაკსა და ზესტაფონში, ამავე წელს ბოშის საფირმო მაღაზია აღმაშენებლის გამზირზე.

2006 წელს ,,ელიტ ელექტრონიქსი" გახდა GORENJE-სა და FAGOR-ის ექსკლუზიური, ხოლო TEFAL-ის, ROWENTA-სა და MOULINEX-ის ოფიციალური დისტრიბუტორი საქართველოში.

2007 წლის 26 ივნისს შპს ,,ელიტ ელექტრონიქსი" სააქციო საზოგადოებად დარეგისტრირდა.

2008 წლიდან კომპანიას დიდი სიძნელეების გადალახვა მოუხდა. შეიცვალა მენეჯმენტი, დაიხურა ზოგიერთი მაღაზია, თუმცა ელიტ ელექტრონიქსმა შეძლო რთული მდგომარეობიდან გამოსვლა და 2008 წლიდან დღემდე საქართველოს მასშტაბით მაღაზიათა ქსელის მუდმივ გაფართოებას აგრძელებს.

2010 წელს კომპანიამ კიდევ უფრო გააუმჯობესა პროდუქციის ასორტიმენტი და ყველაზე ფართო არჩევანთან ერთად მომხმარებლებს ფასისა და ხარისხის საუკეთესო კომბინაცია შესთავაზა. ქსელში შემოვიდა იაპონიაში საუკეთესო ბრენდად აღიარებული მწარმოებელი კომპანია - შარპი (SHARP). საზოგადოებას შესთავაზა აღნიშნული ბრენდის უახლესი ტექნოლოგია - კვატრონის ტელევიზორები.

აღსანიშნავია, რომ დღეს ქსელში 50-ზე მეტი დასახელების მსოფლიოში წამყვანი ბრენდის 1000-ზე მეტი სხვადასხვა სახის ტექნიკა გვაქვს წარმოდგენილი, თუმცა არსებული რიცხვი ყოველ წელს იზრდება ტექნიკის ბაზარზე წარმოდგენილი თანამედროვე ტექნოლოგიების შექმნის შესაბამისად.

2010 წელს სს "ელიტ ელექტრონიქსმა" გახსნა 8 ახალი მაღაზია საქ. მაშტაბით. 2009 წელთან შედარებით გაყიდვები 62% გაიზარდა.

2011 წელს გაიხსნა „ელიტ ელექტრონიქსი"-ს მაღაზიები ქუთაისში, თელავში და ვარკეთილში.

2012 წლის 1 მარტს ქ. ფოთში მდებარე „ელიტ ელექტრონიქსი"-ს სადილერო მაღაზია გადმოვიდა კომპანიის მმართველობაში.

2013 წელს გაიხსნა მაღაზიები ზუგდიდში, წითელ ხიდზე და დიღომში, ამავე წელს მოხდა ვაგზლის მოედანზე მდებარე ცენტრალის მაღაზიის გაფართოება.

2014 წლის თებერვალს ალ. ყაზბეგის გამზირის #24-ში მდებარე მაღაზიამ და კომპანიის სათაო ოფისმა შეიცვალა ადგილმდებარეობა და გადავიდა ქავთარაძის #1 (ე.წ. „გრატო"-ში). ამავე წელს მოხდა გრატოს და თბილისი ცენტრალის მაღაზიების განახლებული კონცეფციით წარმოდგენა, მოეწყო ბავშვთა გასართობი კუთხეები, გაიხსნა კაფეტერიები.

2015 წელს 1 დეკემბრიდან ქ. ოზურგეთში მდებარე „ელიტ ელექტრონიქსი"-ს სადილერო მაღაზია გადმოვიდა კომპანიის მმართველობაში და „ელიტ ელექტრონიქს"-ის მაღაზიათა ქსელ შეემატა რიგით მე-20 ოზურგეთის მაღაზია.​

"ელიტ ელექტრონიქსი" დღეს საქართველოს ბაზარზე ყველაზე ფართო ქსელითაა წარმოდგენილი. კომპანია როგორც გაყიდვების, ასევე პროდუქციის მრავალფეროვნების მიხედვით უპირობო ლიდერია და ყველაფერს აკეთებს, რომ გაამართლოს ლიდერის პოზიცია.​